Хаверц покажа зошто е најбарана „роба“ во Европа со блесокот против Вердер (Видео)

Каи Хаверц се поврзува со голем број фудбалски великани и во изминатиов период на корона пауза беше „преселуван“ во неколку големи клубови, а зошто е тоа така покажа на првиот меч кој го одигра Баер Леверкузен по рестартот на Бундеслигата.

Младиот Хаверц со два гола го најави триумфот на Леверкузен на гостувањето кај Вердер Бремен, а во шоуто му се приклучија уште Вајзер и Демирбај.

За Вердер, почесниот гол го постигна Гебреселасие кој во тој момент беше израмнувачки за 1:1, но поволниот резултат за домаќините траеше навистина кратко.

Хаверц со својот втор гол со глава погоди за 1:2 пред крајот на првиот дел, Вајзер погоди во 61-та, а конечните 1:4 ги постави Демирбај со шмекерски лоб од непосредна близина.

Леверкузен на овој начин профитираше на табелата и го искористи киксот на Лајпциг, па сега е на само еден бод од четвртото место.