Хауард Веб за спорниот момент на дербито Арсенал-Сити: Ковачиќ имаше среќа

Хауард Веб бил гостин на „Скај Спортс“ и зборувал за последните контроверзни моменти поврзани со судиите во Премиер лигата, повторно концентрирајќи се на ВАР драмата на дуелот меѓу Тотенхем и Ливерпул.

Првиот човек на судиската комисија најавил дека се преземени дополнителни мерки за во иднина да не се случуваат човечки грешки од ваков тип на дуелите во Премиер лигата, а Веб го коментирал и најспорниот момент на последното дерби меѓу Арсенал и Манчестер Сити.

Матео Ковачиќ стартуваше грубо уште на почетокот на дуелот и доби само жолт картон, а подоцна имаше уште еден груб старт над Деклан Рајс, за кој домашните бараа уште еден картон и исклучување на Хрватот.

– Јасно е дека ВАР не може да се инволвира во вакви ситуации, ВАР не се користи за проверка на жолти картони.

– Но, мислам дека Ковачиќ беше многу среќен фудбалер што остана на теренот.

– Судијата, еден од нашите најдобри и еден од најдобрите светски судии, Мајкл Оливер, сигурно би размислил вторпат ако ја видеше снимката, – објаснил Веб.