Хауард шокиран од изјавата на Онана: Ретко сум изненаден во фудбалот, но ова…..

Тим Хауард 15 години го бранеше голот на американската фудбалска репрезентација и беше фудбалски амбасадор на својата земја, пред се поради тоа што во еден момент настапуваше и во Манчестер Јунајтед.

Хауард остави добар впечаток на „Олд Трафорд“ и се задржа четири сезони во тимот на Сер Алекс Фергусон, но гледајќи го актуелниот голман на Јунајтед од своја перспектива, Американецот призна дека останал шокиран од изјавата на Андре Онана.

Камерунецот имаше лоша прва сезона во Манчестер Јунајтед и пред мечот со Фулам најави дека во новата ќе презема уште поголеми ризици, па оваа негова изјава предизвика и немир кај фановите на клубот.

Пол Сколс пред извесно време призна дека не може мирноо да одгледа меч на Јунајтед токму поради Онана, а во таа насока оди и мислењето на Хауард.

– Ретко сум изненаден од работите во фудбалот, но бев прилично шокиран кога ја слушнав изјавата на Онана. Тој порача дека треба да бидеме подготвени за уште поголеми ризици оваа сезона……

– Тој прими 58 гола минатата сезона, тој број мора да го поправи и веќе не смее да си дозволи грешки. Некои од головите кои ги прими, лесно можеше да бидат спречени. Фактот што самиот вели дека ќе прави поглем ризик не е баш привлечен, но ќе видиме како ќе се одвива ситуацијата. Не ме убеди со своите настапи во првата сезона, па сега има многу за докажување пред целата јавност, – вели Хауард.