Хау: Тонали треба да им биде благодарен на навивачите на Њукасл

Сандро Тонали мораше да одработи подолга фудаблска суспензија поради прекршување на правилото за обложување на спортски натпревари, казна која направи најголемото засилување во историјата на Њукасл да ја „прележи“ првата сезона во Премиер лигата.

Тонали беше „замрзнат“ од ФИФА набрзо по неколкуте добри изданија кои ги имаше за Њукасл на стартот на минатата сезона, но во најтешките моменти од кариерата, доби голема поддршка од „Тун-армијата“.

Навивачите на Њукасл одиграа навистина важна улога во кревањето на моралот на италијанскиот репрезентативец, кој сега и дефинитивно се враќа во тимот откако ја одлежа суспензијата.

– Сандро сигурно мина низ многу тешки денови изминатиот период, но мора да се нагласи дека навистина добро се справи со тоа. Тој тренираше многу добро и беше многу добар соиграч.

– Знам колку е фокусиран и возбуден за враќањето во тимот. Според мене, оромна благодарност треба да оди кон навивачите на Њукасл. Тие го поддржуваа воо секоој момент и направија овој период да биде полесен за него, – вели менаџерот Еди Хау.