Поврзете се со нас

АТП

Хас верува во Федерер: Може да игра значајна улога на грен слем турнирите

Објавено

на

Рожер Федерер од година во година се помалку го гледаме на турнирите, но големиот шампион се уште не сака да се повлече, пензионира и ако се биде како што треба ќе го видиме во дел од оваа сезона.

Останува да се види во каква форма, ритам ќе биде Швајцарецот кој во август ќе го прослави 41 роденден, но според Томи Хас 20-кратниот грен слем победник ќе има што да каже на најголемата сцена.

-Рожер искрено верува во неговото враќање и напорно работи за тоа. Сака тоа повторно да го направи и нема да биде задоволен ако е само Пи-Ар шоу. Никогаш не би се откажал од Рожер. Можеби навистина нема да освои уште еден грен слем, но ако е здрав, ќе може да стигне до четвртина или полуфинале на грен слем, -порача Хас за Билд.

Популарниот Федекс својот последен меч го одигра минатата година на „Вимблдон“ каде во четвртфиналето загуби од Хуберт Хуркач со 3-0 во сетови.

Реклама
Реклама
Реклама

Популарни