Харгривс со совет до Ливерпул: Ако сакаат титули во ПЛ и ЛШ мора да…

Ливерпул беше една од најнеактивните екипи од Премиер лигата во летниот преоден рок или поточно тие не донесоа ниту еден нов играч кога е во прашање оваа сезона со оглед на тоа што голманот Мамардашвили е договорен да пристигне следното лето.

Меѓутоа и покрај мирниот пазар, „црвените“ одиграа добро во почетните три кола, забележаа три победи без притоа да примат гол и заедно со Манчестер Сити се на делба на првото место на табелата.

Останува да се види во кој правец ќе се движат работите и дали Ливерпул ќе може да ги издржи темпото, да биде конкурентен за пехарите со актуелниот кадар или пак ќе мора да бидат направени одредени корекции веќе на стартот на наредната година.

Според поранешниот англиски репрезентативец, Овен Харгривс премиерлигашот мора да донесе соодветна „шестка“, играч за врска ако сака да се надева на пехари во најважните натпреварувања како ЛШ и ПЛ.

-За да ги освоите Лигата на шампионите и Премиер лигата потребен ви е играч од типот на Родри или некој од највисоко ниво. Ја играв таа позиција и таму не победуваш со плејмејкер. Сè уште треба да биде последен играч за врска во транзицијата; кога треба да ги растурите работите; кога треба да фаулираш, -вели Харгривс.