Харден инспиратор на најголемиот пресврт во историјата на Бруклин (ВИДЕО)

Кошаркарите на Бруклин Нетс со голем пресврт во второто полувреме славеа над Феникс Санс со 128-124 во најинтересниот меч во НБА лигата.

Гостите по првиот дел губеа со 75 – 54 за да во вторите 24 минути збеснат, одиграа фантастично и дојдат до големо славје во Аризона. Ова е најголемиот кам-бек на Нетс во клупската историја по една таква негатива на полувреме, а до нова историја ги предводеше Харден кој во отсуство на повредените Ирвинг и Дурент ја презема одговорноста и даде 38 поени со 7 скокови и 11 асистенции.

Одлична поддршка за „брадата“ беа Херис со 22 и Џонсон со 17 поени, а вредат да се споменат и 31 комбиниран кош на резервистите Грин и Шамет.

Резултати:

Бостон – Денвер 112:99
Мемфис – -Њу Орлеанс 113:144
Милвоки – Торонто 113:124
Минесота ЛА Лејкерс 104:112
Оклахома – Портланд 104:115
Феникс – Бруклин 124:128