Харден го мина легендарниот Ален и стана втор најдобар „тројкаш“ на сите времиња (Видео)

Џејмс Харден често знае да биде потценет во јавноста поради големиот број на топки кои знае да ги загуби на еден натпревар, но кога е шутерскиот елемент во прашање, дефинитивно никој не може да го потцени квалитетот на „брадата“.

Најдобар доказ за тоа се и бројките и статистиката зад името на актуелниот кошаркар на Лос Анџелес Клиперс, кој рано утрово стана втор најдобар „тројкаш“ на сите времиња.

Харден ја постигна 2974-та тројка во својата кариера и го мина на вечната листа незаборавниот Реј Ален, кој пред ерата на Кари и Џејмс важеше за најдобар шутер на сите времиња.

Кари изминатата деценија постави нови стандарди и е убедливо недопирлив на вечната листа, но сега зад него е Харден.

Џејмс во овој момент има една тројка повеќе од Ален, но уверливо на првото место е „снајперистот“ Кари кој зад своето име има неверојтни 3779 тројки.

JAMES HARDEN PASSES RAY ALLEN 🚨

This 3 moves him into 2nd ALL-TIME in three-pointers made!

CONGRATS @JHarden13 👏 pic.twitter.com/LdcF6tZhiU

— NBA (@NBA) November 18, 2024