Поврзете се со нас

Шпанија

Хаотично во Каталонија, уапсен Жозеп Мариа Бартомеу поради кампањата против Лео Меси

Објавено

на

blank

Поранешниот претседател на Барселона, Жозеп Мариа Бартомеу е уапсен од страна на шпанската полиција која спроведува детална истрага и негово евентуално вклучување во аферата „Барсагејт“ која го потресе светот пред извесен период.

Бартомеу е еден од четворицата челници на Барселона кои се уапсени во оваа акција на полицијата заедно со извршниот директор на клубот, Оскар Грау, првиот човек на правниот сектор, Роман Гомез Понти, како и Хауме Масферер кој работел како советник на Бартомеу.

Утрово шпанската полиција влегла на „Камп Ноу“ со надеж дека ќе најде докази со кои ќе ја прошири својата истрага во врска со целата оваа операција.

Во аферата „Барсагејт“ беше објавено дека првите луѓе на Барселона давале огромни пари со цел да се наштети на актуелни играчи на клубот кои биле против нив. Меѓу нив беше и Лионел Меси кој беше мета на напади од специјализирана агенција која беше најмена да ги следи неговите активности на социјалните мрежи.

Меси доживеа непријатност откако една од лажните вести беше поврзана и со неговата сопруга Антонела.

Реклама
Реклама
Реклама

Популарни