Хаос во Торонто: Бернардески исфрлен од тимот поради критики за тренерот

МЛС клубот Торонто издвојува најмногу пари за плати во лигата, а освои само 13 бода на 14 одиграни натпревари, по што е последен во источната конференција.

Канадските медиуми пренесуваат дека во клубот владее вистински хаос, бидејќи најголем дел фудбалери не се задоволни од работата на тренерот Боб Бредли.

Италијанските интернационалци Федерико Бернардески и Лоренцо Инсиње ја предводат незадоволната соблекувална, а поранешниот играч на Јувентус јавно го критикувал Бредли поради отсуството на план за игра и лошите физички подготовки на екипата.

Ова било причина за Бредли да го не повика Бернардески за претстојниот натпревар со Ди-Си Јунајтед, што се чини нема да биде и последен конфликт во тимот на Торонто.

Ситуацијата ја комплицира и фактот што капитен на екипата е синот на тренерот, Мајкл Бредли, по што очекувано има и поделби во соблекувалната, но мнозинството се против методите на Бредли сениор.