Хаос во Австралија, Норис ги издржа предизвиците

Ландо Норис ги издржа сите предизвици и препреки во хаотичната трка од Светското првенство во Формула 1 која се возеше во Мелбурн.

Првата трка од новата сезона имаше одложен старт, дожд и три активирања на безбедносното возило, но возачот на Мекларен кој вчера ја освои пол позицијата стигна до првото место пред актуелниот светски шампион, Макс Ферстапен.

Норис уште од стартот ги имаше Ферстапен и тимскиот колега Оскар Пјастри како најголеми ривали, а така остана и до крајот, издржувајќи го притисокот на болидот на Ред Бул, односно користејќи ја грешката на Пјастри кој на крајот мораше да се задоволи со деветтото место на ГН на Австралија.

Џорџ Расел најмногу профитираше од проблемот на Пјастри и си обезбеди трето место, додека задоволен од трката може да биде и Алекс Албон, кој со Вилијамс стигна до четвртата позиција.

Кими Антонели имаше неколку проблеми за време на трката, но на крајот заврши на петтото место, што може да се протолкува како голем успех во вакви околности, а зад него следуваа Строл и Хулкенберг.

Претставниците на Ферари не се прославија исто како во квалификациите, па Леклер и Хамилтон завршија на осмото и десеттото место.

Race 1 ✅

Here’s the finishing order from a wild season opener, kicking off with the top ten 👇#F1 #AusGP pic.twitter.com/vXKDv29as6

— Formula 1 (@F1) March 16, 2025