Хаос на клупата на Лејкерс, физичка пресметка меѓу ѕвездите на „езерџиите“ (Видео)

Во таборот на Лос Анџелес Лејкерс владее навистина тензична атмосфера на почетокот на новата сезона во НБА Лигата.

„Езерџиите“ на натпреварот против Феникс го врза вториот пораз во вториот сезонски натпревар откако загубија 115:105.

Дека атмосферата во тимот е на лошо ниво говори и инцидентот од вчерашниот натпревар кога при една пауза дојде до физичка пресметка меѓу звучните имиња од клубот, Ентони Дејвис и Двајт Хауард.

И двајцата дојдоа до физички контакт, меѓутоа брзата реакција на соиграчите спречи поголема ескалација на целиот инцидент.

Anthony Davis and Dwight Howard got into it and had to be separated by their Lakers teammates 😳pic.twitter.com/fyfxBtf0oO

— ClutchPoints (@ClutchPointsApp) October 23, 2021

По ваквите случувања, разочаран беше некогашниот кошаркар на Лејкерси кој остави траен белег во историјата на клубот, Меџик Џонсон.

– Хауард и Дејвис влегоа во физички дуел на клупата. Во моите 42 години колку што сум поврзан со Лејкерси, немам видено ништо слично на ова, -напиша Џонсон на својот Твитер профил.

Што се однесува до учинокот на инволивраните кошаркари, Дејвис постигна 22 поени на кои додаде и 14 скокови, додека Хауард на теренот помина помалку време и не успеа да се запише во листата на стрелците.

Dwight Howard and AD got into a physical altercation on the bench…in my 42 years of being associated with the Lakers organization, I’ve never seen something like that smh

— Earvin Magic Johnson (@MagicJohnson) October 23, 2021