Ханси Флик за една своја ѕвезда: Тој не се споредува со ниту еден друг играч во светот

Барселона и даде 12 голови на Валенсија во период од десетина дена и само уште еднаш потврди дека ужива да игра против тимот на Столе Димитриевски, кој вчеравечер прими „петка“ и на домашната „Месталја“.

По бламажата која ја имаа играчите на Валенсија на гостувањето во Ла Лига на „Монжуик“ (7:1), вчера претрпеа тежок пораз и во четвртфиналето во Копа дел Реј, а дебаклот од 0:5 најдобро говори за големата разлика во квалитет во овој момент.

Неколку играчи на Барселона изгледаа максимално расположени за игра, па иако во прв план се најде Феран Торес кој постигна хет-трик, тренерот Ханси Флик посебно се задржа на креаторските способности и капацитети на Педри.

– Не може да се каже многу за Педри, не треба ниту да се справат споредби за тоа како одговара на друга позиција на теренот. Педри е неспоредлив, тој не се споредува со ниту еден друг играч во светот.

– Ужива во фудбалот, убавина е да се гледа со очи, без разлика на која позиција игра на теренот. Тој секогаш игра за тимот, пресреќен сум што имам таков фудбалер на моја страна, – изјави Флик.