Ханси Флик со предупредување до Шчесни: Имам едно јасно правило како тренер

Војчех Шчесни се наѓа воо Барселона и ги минува медицинските прегледи со каталонскиот великан, па за очекување е до крајот на денот, или најдоцна утре да биде потврден трансферот.

Искусниот полски чувар на мрежата реши да возврати на повикот од Барса и да се врати од пензија, а многумина велат дека тоа го направил само поради фактот што добил гаранција дека ќе биде прв голман.

Долгогодишниот чувар на мрежата на Јувентус пристигнува воо Барселона како директна замена за тешко повредениот Тер Штеген, па иако се очекува да има предност пред Ињаки Пења, Ханси Флик му најави дека кај него главен фактор се перформансите на тренинзите.

Флик на денешниот прес најави дека никој во неговиот тим нема осигурано стартерско место, правило по кое се води од стартот на својата тренерска кариера.

– Шчесни? Се уште ќе се воздржам и нема да зборувам за играчи кои се уште не се со нас. Но, само ќе ви кажам дека со мене никој не добива гаранција дека ќе биде стартер. Тоа е едно од најважните правила кои ги имам како тренер, – најави Ханси.