Ханси Флик ја собра првата награда како тренер на Барселона (Фото)

Ханси Флик не можеше на подобар начин да им се претстави на навивачите на Барселона, бидејќи неговиот тим запиша четири победи на првите четири првенствени дуели во Ла Лига.

Германскиот стручњак ја врати страста меѓу фановите на каталонскиот гигант и одработи перфектно во воведните четири рунди, по кои Барса е лидер на табелата со четири бода повеќе од Реал Мадрид.

Ваков старт не можеа да замислат и најголемите оптимисти после проблемите кои ги имаше тимот на крајот од минатата сезона, а извонредните резултати направија Германецот да ја собере и првата награда во Шпанија.

Ханси Флик беше избран за најдобар тренер во месец август и сосема заслужено го доби ова признание од Ла Лига, кое сигурно ќе биде дополнителна мотивација да се продолжи во ист ритам и во месец септември.

Тренерот на Барселона ја добил битката со Марселино Гарсија Торал од Вилјареал и Луис Гарсија од Алавес, па сега останува да се види дали ќе успее да го одбрани приматот за најдобар и по крајот на овој месец.

👏 Un arranque PERFECTO.

💙👔❤ Hansi Flick, del @FCBarcelona_es, es el 𝐄𝐍𝐓𝐑𝐄𝐍𝐀𝐃𝐎𝐑 𝐃𝐄𝐋 𝐌𝐄𝐒 de agosto en #LALIGAEASPORTS.#LALIGACOACHOFTHEMONTH | @MicrosoftES#PREMIOSLALIGA | #LALIGAAWARDS

— LALIGA (@LaLiga) September 9, 2024