Ханси Флик ги награди играчите на Барселона по важната победа во Севилја

Барселона на најдобар можен начин ја затвори неделата во која убедливо ја декласираше Валенсија во Купот, бидјеќи вчеравечер доминантно славеше на уште едно тешко гостување во Шпанија.

Тимот од Каталонија имаше голем императив за победа во ситуација кога доби услуга од ремито на Реал и Атлетико, а убедливото издание против Севилја направи Барса да се приближи на само два бода од врвот.

Гостите славеа со убедливи 1:4 и успеаја да постигнат гол и со играч помалку на теренот, па поради добрата форма и максималното залагање во последно време, Ханси Флик реши да ги награди своите фудбалери со три слободни дена.

– Многу сум среќен зошто победивме, покажавме карактер и истрајност со 10 играчи на теренот. Тоа беше добар испит за нас, но и добра лекција. Патот до титулата е многу долг, но вакви фази ќе ни помогнат да веруваме во себе.

– Мора да продолжиме со овој менталитет, сега следат три слободни дена за играчите, а од четврток ќе почнеме да се подготвуваме за следниот меч. Тимот заслужи одмор после напорот кој го имаше, ќе го подготвуваме следниот меч против Рајо Валјекано од четврток, – изјави Германецот.