Ханси Флик доби заушки од играчите на Барселона, па порача: Најмногу ми се допаѓа единството во тимот (Видео)

Ханси Флик денеска прославува убав јубилеј и полни точно 60 години, а по тој повод, германскиот стручњак ја мина стандардната традиција во шпанскиот фудбал.

Тренерот на Барселона доби заушки од своите фудбалери како најдобра честитка за 60-от роденден, но многу брзо по одработениот тренинг, се појави и на прес-конференцијата.

Барселона утре го игра првиот од двата полуфинални натпревари со Атлетико Мадрид во Копа дел Реј, па во најавата за првата средба на „Монжуик“, Ханси нагласи дека е посебно воодушевен од заедништвото и единството во Барселона.

– Најмногу од се во овој клуб ми се допаѓа единството. Сите сме како едно, тука сме за да ги браниме боите на овој клуб. Сите во тимот сме како едно семејство и за мене тоа е поважно од се.

– Јас ги носам одлуките како тренер, но сите играчи го даваат максимумот и се поддржуваат еден со друг. Секој во тимот се обидува да биде подобра верзија од себе, – изјави Флик.

¡Ni Flick se libra del pasillo! 🎁 pic.twitter.com/mJcXc3bRxt

— FC Barcelona (@FCBarcelona_es) February 24, 2025

Disfrutando del Barça por su 60 cumpleaños 💙❤ pic.twitter.com/NWaZK0X8GF

— FC Barcelona (@FCBarcelona_es) February 24, 2025