Хандановиќ: Не се докажавме на теренот, ситуацијата е комплицирана…

Италијанскиот прволигаш Интер загуби од Реал Мадрид со 2-0 и сега ќе му биде потребно вистинско чудо во завршните две кола од групната фаза за да обезбеди пласман во нокаут рундата на Лигата на шампионите.

„Нероаѕурите“ се последни во групата Б без ниту една победа во четирите кола, односно само два освоени бода, па самите се свесни дека ќе биде исклучително тешко да се извлечат од оваа ситуација и продалжат да бидат дел од елитното натпреварување.

-Ситуацијата е комплицирана, надежта е вечна и ќе видиме што ќе се случи. Знаевме дека ова е многу тешка група, но мораше да се докажеме на теренот и на крајот што ќе се случи таму е одлучувачко. Мислам дека Реал Мадрид е помалку навикнат да брани отколку да ја додава топката, па кога ќе поведат рано, тие брзо ја движат топката и останува да ги бркате сенките.

-Овој вид игра е нивниот леб и путер, -порача капитенот Самир Хандановиќ.