Хамилтон ќе стартува од пол-позицијата на спринт трката во Кина

Луис Хамилтон одлично го започна вториот натпреварувачки викенд во новата Формула 1 сезона, обезбедувајќи најдобра стартна позиција на утрешната спринт трка во Кина.

Новиот член на Ферари имаше најдобро време во третата квалификациска сесија за спринтот и го обезбеди досега најдобриот успех откако го вози болидот во црвена боја.

Место во првиот ред си обезбеди Макс Ферстапен од Ред Бул, додека Оскар Пјастри не направи грешки како Ландо Норис и ќе биде претставник на Мекларен од вториот ред заедно со Шарл Леклер од Ферари.

До десеттото место се пласираа Расел, Норис, Антонели, Цунода, Албон и Строл.

Најголемо разочарување и денеска беше Лиам Лоусон од тимот на Ред Бул, кој ќе го започне спринтот од последната стартна позиција.

Утрешниот спринт подразбира трка долга 19 кругови, односно 100 километри и ќе биде добра најава за главната неделна трка.