Хамилтон доби казна и ќе ја стартува трката во Азербејџан од боксот

Луис Хамилтон го загуби седмото стартно место за трката за Големата награда на Азербејџан и денеска ќе стартува од боксот.

Возачот на Мерцедес повлече казна со новата, петта сезонава, промена на погонската единица, па денеска ќе има потешка задача да се најде во позиција која ќе му донесе солиден број поени.

Тимот на седумкратниот светски шампион ја донел одлуката по квалификациите, што и не е големо изненадување ако се знае дека Хамилтон ги истакна фрустрациите од болидот по вчерашниот настап.

Ваквата одлука на Мерцедес е добра вест за неговиот сонародник Ландо Норис кој заедно со казната за Гасли, стигна од 17 до 15-то место во стартниот поредок.

Пол позицијата му припадна на Шарл Леклер, додека зад него во квалификациите се најдоа Пјастри, Саинц и Перез. Актуелниот шампион Макс Ферстапен ќе стартува од шестата позиција.