Поврзете се со нас

Свет

Хамес си договори трансфер и става брз крај на кошмарот во Шпанија

Објавено

на

Foto:x.com/RayoVallecano

Рајо Валјекано го ангажираше Хамес Родригез како бомбастично засилување за 100-годишнината од постоењето на клубот, па иако беше пречекан со сите почести на „Валјекас“, легендарниот Колумбиец дефинитивно не се изнаигра во изминатите пет месеци.

Колумбискиот капитен наиде на целосно игнорантски однос од тренерот Ињиго Перез и воопшто не се наметна како стартер, па после одиграни само 136 минути во Ла Лига во првиот дел од сезоната, Родригез сега си договорил трансфер во Мексико.

Како што известуваат угледните мексикански и шпански медиуми, Родригез се договорил со Рајо експресно да стави крај на кошмарната полусезона во Ла Лига, а автоматски ќе му биде дозволено да направи трансфер во клубот со кој веќе си дал збор.

Станува збор за мексиканскиот прволигаш Клуб Леон, кој планира да го претстави Хамес за големо засилување во првите денови од наредната седмица.

Според информациите, Хамес ќе добие едногодишен договор од Мексиканците, со опција истиот да биде продолжен до крајот на 2026-та година кога се игра и Светското фудбалско првенство, натпреварување кое е приоритет број еден за колумбискиот капитен.

Advertisement
Advertisement

Италија

Advertisement

Популарни