Хамес се смета за подобар од четири фудбалски легенди, вклучувајќи ги и Зидан и Модриќ: Во моите најдобри денови……

Хамес Родригез имаше неуспешен кам-бек во шпанската Ла Лига и после само една полусезона си замина од Рајо Валјекано, клуб од кој направи трансфер во Клуб Леон.

Колумбискиот капитен сега се натпреварува во Мексико и ужива минутажа која му недостасуваше во Шпанија, а како ѕвезда која се уште игра на највисоко ниво на репрезентативно ниво, Родригез секогаш привлекува внимание во јавноста.

Доста интересно во последните неколку часа е неговото ексклузивно интервју направено со Еду Агире, кој по пат на елиминација побарал неколку одговори од некогашната „10ка“ на Реал Мадрид.

– Пирло или Кака? Пирло….. Пирло или Де Брујне? Де Брујне……. Де Брујне или Зидан? Зидан…….. Зидан или Белингам? Зидан……. Зидан или Озил? Зидан…….. Зидан или Иско? Зидан……., – вели Хамес, а потоа следат спореди во кои е вклучен и тој.

– Зидан или Хамес? Зидан беше многу добар, во својот зенит го освои Светското првенство, но би рекол Хамес……

– Хамес или Модриќ? Хамес……. Хамес или Крос? Хамес…… Хамес или Чави Ернандес? Во моите најдобри денови, Хамес….., – завршува Родригез.