Хамес играше за Реал и Евертон, но ќе навива за Ливерпул во финалето на ЛШ

Хамес Родригез во моментов не е дел од фудбалските случувања во Европа, но внимателно ги следи натпреварите во најелитните лиги во кои и самиот беше инволвиран до неодамна.

Колумбиецот бил прашан за кого ќе навива во финалето на Лигата на шампионите меѓу Реал Мадрид и Ливерпул, а дал навистина интересен одговор.

Хамес зад себе има неколку сезони во Реал Мадрид, но и во градскиот ривал на Ливерпул, екипата на Евертон, но во Париз ќе навива за „црвените“.

– Сакам Ливерпул да стане шампион.

– Имам многу пријатели во Реал и ова е навистина незгоден противник за ваков натпревар, но сакам Лучо Диаз да стане европски првак, – изјавил Родригез за кого одлучувачки фактор е настапот на колега од националниот тим во редовите на Ливерпул.