Хаман со жесток напад: Флик треба да добие отказ

Дитмар Хаман и натаму не го крие незадоволството од работата на Ханси Флик на клупата на германската фудбалска репрезентација, па побара од федерацијата што побргу да го отпушти искусниот стручњак.

Хаман го критикуваше Флик и за време на мундијалот и по неговата разочарувачка завршница за Германците, а повторно распалил по пријателскиот натпревар со Белгија.

– Иако сум свесен дека тоа веројатно нема да се случи, отказот за Флик е единствена алтернатива за нашиот национален тим.

– Не можеме да продолжиме вака, уште по крајот на мундијалот реков дека не гледам причина да продолжиме со овој селектор.

– Ако во моментов кажеме дека имаме некакви шанси да го освоиме ЕП, тогаш се лажеме себеси и сите околу нас. Нема да станеме европски прваци со овој селектор. Погледнете што се случи во првиот половина час со Белгија, тоа беше застрашувачки, – изјавил Хаман.