Халанд се врати и донесе победа за Сити, Јунајтед со црвен картон до прва радост по еден месец во ПЛ (ВИДЕО)

Манчестер Сити дојде до значајна победа над Тотенхем во трката за топ 4 пласман и место во Лигата на шампионите во наредната година.

Во таборот на „граѓаните“ се врати Халанд по повредата, а токму Норвежанецот беше клучен за освојување на трите бода. Ерлинг погоди во 12 минута на асистенција на Доку, а во 94 му беше поништен уште еден гол поради игра со рака.

Арсенал одново остана „без муниција“ и ремизираше (о-о) на „Сити Граунд“ со Нотингем Форест со што остави простор Ливерпул дополнително да ја зголеми предноста во борбата за титулата.

Манчестер Јунајтед пак по пауза од еден месец се израдува на триумф во Премиер лигата и тоа против Ипсвич. Домаќините од 42 минута играа со играч помалку по исклучувањето на Доргу, ама тоа не им беше проблем за дојдат до славје од 3-2.

Првото полувреме заврши 2-2, а на стартот на второто полувреме Мегваер уште еднаш ја затресе мрежата на гостите што се покажа како доволно за освојување на трите бода.

Без победник 1-1 пак одиграа Брентфорд и Евертон.