Халанд потрошил голема сума за подароци за соиграчите и вработените во Борусија

Ерлинг Халанд веќе ја заврши својата етапа во Борусија Дортмунд и од следната сезона ќе го носи дресот на Манчестер Сити.

Сепак, Норвежанецот потврдил дека е презадоволен од она што му се случуваше додека настапуваше за бундеслигашот и од соработката со соиграчите и сите останати во клубот, трошејќи речиси половина милион евра за скапи подароци.

„Билд“ пренесува дека Халанд потрошил 462.000 евра за да купи над 50 часовници, поточно 33 „Ролекс“ часовници кои им ги поделил на сите досегашни соиграчи, а „Омега“ часовници добиле сите останати вработени кои биле дел од сениорскиот тим на Борусија.

Халанд ја напушта Борусија со 86 постигнати голови на 89 одиграни натпревари.

Манчестер Сити ја активираше откупната клаузула вредна 75 милиони евра и Халанд ќе стане еден од најдобро платените фудбалери во светот.