Халанд: Ова беше ужасна недела…

Манчестер Сити им се врати на победите и тоа против Тотенхем на негов терен во Лондон, терен кој за „граѓаните“ знае да биде многу незгоден и вистински предизвик.

Сити триумфираше со 1-0 и тоа со повратникот во екипата Ерлинг Халанд. Норвежанецот се повреди на пресметката со Њукасл и потоа пропушти два важни меча за клубот против Реал Мадрид (остана на клупа) и Ливерпул (воопшто не беше во комбианција), натпревари на кои тимот беше надигран со 3-1 и 2-0.

-Се чувствувам добро – добро е што се вратив. Беше ужасна недела. Добро е да се победи и среќен сум. Како фудбалер, се што сакате е да играте, но понекогаш мора да го слушате вашето тело.

-Се разбира, никогаш не е убаво да се биде повреден и да не играш, но треба да гледаш напред и да останеш позитивен. Можеме да правиме работи само за сегашноста и иднината, против Тотенхем сакавме само да победиме, -порача Халанд.