Халанд избран за играч на месецот во Премиер лигата

Ерлинг Халанд доминираше на премиерлигашките терени во август и заслужено стигна до признанието за фудбалер на месецот во Премиер лигата.

Норвежанецот ја отвори сезоната со нов рекорд, односно постигна седум гола на првите три натпревари во првенството, па и немаше посериозна конкуренција за индивидуалното признание кое се доделува секој месец.

За Халанд ова е трет пат да го добие признанието за играч на месецот во Премиер лигата, а последен пат го освои во април 2023 година.

Напаѓачот на Сити реализираше хет-трик против Ипсвич и Вест Хем, а постигна гол и на незгодното гостување кај Челси, со што Сити си обезбеди перфектен скор по првите три рунди во Премиер лигата.

Халанд добил најмногу гласови за признанието во конкуренција на Мбеумо, Велбек, Онана, Палмер, Раја, Сака и Салах.