Халанд испрати оптимистичка порака откако не одигра ниту една минута против Реал (Фото)

Ерлинг Халанд се повреди во самата завршница од мечот со Њукасл, па иако во прв момент изгледаше дека не станува збор за ништо сериозно, Норвежанецот на крајот не успеа да смогне сили за да излезе на терен на „Сантијаго Бернабеу“.

Манчестер Сити беше значително ослабен на гостувањето во Мадрид и го одигра цел натпревар без својот најдобар голгетер, кој во ситуација кога не можеше да им помогне на соиграчите, реши да испрати охрабрувачка порака до сите нив.

– Остануваме сплотени како еден, понекогаш треба да искусите вакви работи за да научите од нив. Не може секогаш да победувате, повторно ќе се издигнеме заедно, – гласи пораката на Халанд.

Главната битка на Ерлинг во наредните неколку дена ќе биде успее да се опорави за тоа што следи, односно големото дерби против Ливерпул во Премиер лигата.

Натпреварот е закажан за в недела во 17:30 часот, а домаќин ќе биде Манчестер Сити на „Итихад“.

View this post on Instagram

A post shared by Erling Braut Haaland (@erling)