Халанд имаше комична незгода на последниот тренинг пред финалето, Пеп не трепна (Видео)

Играчите на Манчестер Сити и Интер вчера го одработија последниот тренинг пред големото финале во Лигата на шампионите, средби на кои обично тренерите не ризикуваат и даваат наједноставни вежби.

Избегнувањето на несакани повреди пред најважниот меч во сезоната е клучен приоритет на сите тренери во светот, па навистина супер вест е тоа што Гвардиола и Инѕаги ќе располагаат со цела своја артилерија оваа вечер.

Хенрик Мхитаријан се врати во тимот на Интер и ќе му стои на располагање на Инѕаги, но на другата страна, Пеп не се вознемирува дури и во ситуација кога неговиот најдобар голгетер имаше неволја на последниот тренинг.

Халанд имаше урнебесна незгода и беше соборен од фрижидерот за пијалоци, а иако тој се струполи на земја, Гвардиола имаше мирна реакција и воопшто не ни трепна.

Норвежанецот доби мала помош од асистентите за да стане, но беше јасно дека не се работи за сериозен пад и со насмевка им објаснуваше на соиграчите што му се случи.

Haaland already falling over bottles in last training😟with Pep watching on closely. This guy😂😆 #UCLfinal pic.twitter.com/g5VqqJRJrl

— Juliet Bawuah (@julietbawuah) June 10, 2023