Халанд го продолжи шоуто против Брентфорд, Хадсон-Одои го шокираше Ливерпул (Видео)

Ерлинг Халанд ја продолжи голгетерската серија во Премиер лигата и со два гола донесе победа за Манчестер Сити, додека Ливерпул го доживеа првиот пораз сезонава и тоа од Нотингем Форест.

Актуелниот шампион го пречека Брентфорд, а гостите рано поведоа и предизвикаа проблеми за составот на Пеп Гвардиола.

Виса погоди уште во првата минута, а Сити чекаше на израмнување до 19. минута кога Халанд го постигна првиот од двата гола, а пресвртот беше реализиран во 32. минута со уште еден погодок на Норвежанецот.

За разлика од Сити кој останува перфектен и по четвртото коло, Ливерпул доживеа пораз и тоа на домашен терен, прв под водство на Арне Слот.

Хадсон-Одои го направи клучниот потег во 72. минута и со убав индивидуален потег и завршница ги донесе трите бода за „шумарите“ на „Енфилд“.

Hudson Odoi Goal !!! LIVERPOOL ARE LOOSING TO NOTTINGHAM FOREST 😂😂😂pic.twitter.com/UFpGNzbB8I

— Jacky (@MCFC_Jacky) September 14, 2024