Хајнс спречи продолжение во Атина, Олимпијакос повторно подобар од Баерн (ВИДЕО)

Кошаркарите на Олимпија Милано и Олимпијакос остварија гостински победи на двата натпревари кои вечерва се одиграа во Евролигата.

Италијанскиот претставник славеше над Панатинаикос во Атина со 76-75 благодарение на Хајнс кој погоди едно од двете слободни фрлања на две секунди до крајот. Токму Хајнс со  13 поени беше втор стрелец зад плејмејкерот Дилејни со 15 кошеви.

Кај домаќините залудни беа 19 поени на српскиот интернационалец Недовиќ.

Олимпијакос по вторпат сезонава беше подобар од Баерн Минхен, овојпат на негов терен со 98-88. Гостите беа расположени во секоја четвртина, во прв план беше Дорси со 25 поени, одлична поддршка беше Везенков кој застана на 17 поени.

Грчкиот великан со учинок 15-7 е на 4 место на табелата.