Хајнер за можноста Нојер да стане „нов Роналдо“: Ние тоа во Баерн не го правиме!

Мануел Нојер поради повреда ќе го пропушти преостанатиот дел од оваа сезона, но тој во изминатиов период е во фокусот на вниманието поради друга причина, неговиот потег со кој ги налути раководсните луѓе во Баерн Минхен.

Познато е дека Нојер на скијање заработи потешка повреда и тоа некоку му беше простено на капитенот, ама набрзо потоа тој имаше емотивна, бурна реакција откако клубот се реши да се ослободи од долгогодишниот тренер на голманите, Тони Тапаловиќ.

Тапаловиќ беше многу добар пријател со Мануел, па истиот не бираше зборови кога отворено збореше во интервјуто за оваа одлука на Баерн порачувајќи дека срцето му го откорнале и е најбруталното нешто што го доживеал во кариерата.

По ова имаше реакции од Кан, Салихамиџиќ, некои од легендите како што е Матеус, а околу ова проговори и претседателот на бундеслигашот, Херберт Хајнер кој запрашан за тоадали на Нојер може да му се повтори случајот со Кристијано Роналдо (да му биде раскинат договорот како во Манчестер Јунајтед) тој јасно порача:

-Не, секако дека не. Затоа ние сме ФК Баерн. Во Баерн секогаш внатрешно ќе ги разјасниме таквите работи. Таквите работи го прават овој клуб силен и посебен, -порача Хајнер за „БР24СПОРТ“,

Матеус: Нојер веќе не е прифатлив како капитен на Баерн!

Нојер со жестоко интервју го нападна Баерн: Ми го откорнаа срцето, не сум доживеал нешто побрутално!