Хајлајт од МВП изданието на Бускетс: Серхио со едноставен потег ги натера Мбапе и Гризман да трчаат во празно (Видео)

Серхио Бускетс се мачи со формата настапувајќи за Барселона во последно време, но затоа носејќи го дресот на Шпанија, понуди вистински мастерклас за тоа како треба да се игра во средниот ред.

Фудбалерот на Барселона доминираше против Италијанците во полуфиналето, а извонредно издание имаше и вчера против Франција, без оглед на тоа што неговата Шпанија на крајот загуби на доста спорен начин.

Капитенот на „фуријата“ беше бесен на судиите и нагласи дека контроверзниот гол на Мбапе морал да се поништи, но и покрај поразот, Бускетс имаше причина за насмевка во финалето.

Серхио беше избран за МВП на завршниот турнир во Лигата на нации, признание кое е максимално заслужено со оглед на тоа што го прикажа во изминатите неколку дена.

Бускетс имаше безброј добри потези, но хајлајт дефинитивно е вчерашното елегантно и едноставно движење со кое ги натера Гризман и Мбапе да трчаат во празно.

🔝 @5sergiob, UEFA #NationsLeague Player of the Finals pic.twitter.com/USbR4BugfH

— FC Barcelona (@FCBarcelona) October 10, 2021