Хајдук го потврди решението за иднината на Перишиќ во сплитскиот клуб

Иван Перишиќ требаше да биде големо засилување за Хајдук оваа сезона, но наместо тоа, тој експресно влезе во конфликт со тренерот Џенаро Гатузо и се чини дека веќе ја заврши приказната во сплитскиот клуб.

По последните случувања, Перишиќ доживеа сериозни вербални напади и од фановите на Хајдук, па денеска било решено да се стави крај на досегашната соработка, нешто што го потврдил спортскиот директор Никола Калиниќ.

– Жалиме што се создаде атмосфера која се одрази негативно на клубот, но посебно на Иван и неговата фамилија кои незаслужено доживеаја голем број непријатни моменти.

– Од првиот ден се знаеше дека тој веројатно ќе остане до крајот на летото, но за жал последните денови дојде до недоразбирања поради кои решивме спогодбено да ја прекинеме соработката.

– Наредните денови ќе биде донесена одлука дали ќе се решиме за раскинување на договорот или трансфер, но сега целиот фокус на клубот е ставен на посебно важниот натпревар кој го очекува Хајдук, – истакнал Калиниќ во изјавата клупската интернет страница.