Поврзете се со нас

Боречки спортови

Хабиб покажа снимка од скршеницата на ногата: И со тешка повреда беше доминантен против Гејџи (Фото)

Објавено

на

blank

Хабиб Нурмагомедов на својот Инстаграм профил објави фотографија со која докажа дека се мачел со незгодна повреда на само 16 дена од средбата со Џастин Гејџи.

Нурмагомедов објави рентген снимка на која се гледа дека едниот од прстите на неговата нога е скршен, но и покрај тоа тој смогна сили за да излезе во октагонот за епската пресметка против Гејџи.

Кај Дагестанецот не се почувствува повредата кога пред два дена го собори Џастин Гејџи во втората рунда од УФЦ пресметката во Абу Даби.

Дека неговиот настап против Гејџи „висеше“ потврди и првиот човек на ММА, Дана Вајт кој истакна дека Нурмагомедов има повреда на ногата.

– Низ што ова момче мораше да помине, ние сме среќни што ќе се бори вечерва.Тој беше во болница затоа што ја скрши неговата нога и тоа пред само три недели, -изјави Дана Вајт пред пресметката на Хабиб со Гејџи.

По победата која го остави со перфектен скор од 29 победи и без ниту еден пораз, Нурмагомедов го шокираше ММА светот откако најави дека се повлекува од борењето.

blank

Реклама
Реклама
Реклама

Facebook

Популарни