Гвардиола: Замолчете, ние ви плаќаме многу пари!

Манчестер Сити со втора победа во дуелите со ФК Копенхаген обезбеди место меѓу осумте најдобри во Лигата на шампионите.

Сити го доби првиот меч во Данска со 3-1, а со истиот тој резултат го реши реваншот на „Итихад“, па со вкупно 6-2 го потврди билетот за четвртфиналето во кое досега се пласираа уште Баерн Минхен, Пари Сен Жермен и Реал Мадрид.

Пеп Гвардиола направи доста промени во почетниот тим за вчерашниот меч, но тој негираше дека ги одмарал играчите за престојото дерби со Ливерпул на „Енфилд Роуд“.

-Ми требаа свежи нозе, знаев колку се уморни моите играчи. Во некои земји, кога играте во среда, ви дозволуваат да играте во сабота. Ми требаа свежи нозе, луѓе кои можат да одржат ваков натпревар, -истакна Пеп кој претходно имаше замерки за распоредот на неговиот тим кој мораше да игра во недела со Манчестер Јунајтед.

-Да разговараме со Премиер лигата? Тие ќе кажат „Замолчете, ние ви плаќаме многу пари“, -порача Шпанецот.