Гвардиола заљубен во еден англиски тим: Никој не изнесува подобро топка во модерниот фудбал!

Манчестер Сити оствари фантастичен резултат со Баерн Минхен и си трасираше добар пат кон полуфиналето во Лигата на шампионите, но момците на Пеп Гвардиола немаат многу време за славје и веднаш мора да се фокусираат на Премиер лигата.

Актуелниот првак доби голема шанса за титулата откако Арсенал не успеа да победи на „Енфилд Роуд“, но Гвардиола е уверен дека нема да биде се така лесно за неговиот тим и ги посочи смешни оние коментари на експертите кои предвреме им даваат бодови на „граѓаните“.

Сити има шест бода помалку и натпревар помалку од Арсенал, но оној одложениот е против Брајтон, тим кој за Пеп е најдобар во светот кога е изнесувањето на топката во прашање.

– Реалноста вели дека сме шест бода за Арсенал, се друго се математики. Никој не може да гарантира дека ќе победиме на нашиот заостанат натпревар кој го играме против најдобриот тим во светот кога е конструкцијата на игра во прашање.

– Нема подобар тим од Брајтон при изнесувањето на топката. Нема подобар тим во светот од нив, тие имаат најдобар проток на топката до последната третина од теренот, никој не изнесува така топка во модерниот фудбал, – изјави Пеп.

Манчестер Сити утре игра против Лестер во Премиер лигата, а засега се уште нема утврдено термин за тоа кога ќе се одигра заостанатиот меч со Брајтон.