Гвардиола за плановите на Сити: Нема да губиме енергија за Лига купот

Манчестер Сити избори пласман во осминафиналето на англискиот Лига куп, но менаџерот Пеп Гвардиола не го крие незадоволството од набиениот распоред и отворено кажал што мисли за учеството во ова натпреварување.

Сити го играше натпреварот со Вотфорд по нецели 50 часа по дербито со Арсенал, а во првите единаесет останаа само Доку и Вокер.

– Уште отсега ќе ви кажам, во следната рунда ќе играме со втор тим.

– Нема да губиме енергија во ова натпреварување, во тоа бидете сигурни.

– Не можеме да излеземе на крај со ваквиот распоред, но за одредени играчи ваквите натпревари се добредојдени. Ние играме за да победиме, никогаш нема свесно да се откажеме од некое натпреварување, но игравме пред 50 часа. Нема да ризикувам да ни се случи нешто во Премиер лигата или Лигата на шампионите поради Лига купот, – рекол Гвардиола.