Гвардиола за настапот на Халанд против Ливерпул: Животот носи ризици…

Манчестер Сити ја продолжува сезоната со големо дерби со Ливерпул, а Пеп Гвардиола е соочен со една голема дилема.

Се работи за повредата на Ерлинг Халанд, која го прави Норвежанецот неизвесен за овој важен дуел, иако самиот Гвардиола како индиректно да најавува дека е подготвен да преземе ризик.

– Животот носи ризици и понекогаш треба да ги прифатиме.

– Ќе видиме што ќе кажат лекарите и како ќе се чувствува фудбалерот, но ние постигнувавме многу голови и пред тој да дојде во клубот.

– За мене Ливерпул останува страшен тим кој може да победи секого, тие остануваат голем ривал иако сезонава се бориме за титулата со друг тим, – истакнал Гвардиола.