Гвардиола за мешаницата пред тунелот по крајот на дербито: Добро видов што се случи

Габриел Мартинели се покажа како вистински „џокер“ за Микел Артета и го реши големото дерби со Манчестер Сити непосредно по влегувањето во игра, откако неговиот удар од Аке заврши во мрежата на Едерсон.

После 12 последователни победи во Премиер лигата, Арсенал конечно го скрши мразот и оствари прва победа над Манчестер Сити, а иако гостите обично добро ги прифаќаат поразите, овојпат настана мешаница по последниот судиски свиреж.

„Граѓаните“ претрпеа втор неуспех во низа во домашното првенство и тоа донесе нервоза кај одредени фудбалери, а особено кај Кајл Вокер и Ерлинг Халанд кои беа задржувани од своите соиграчи по крајот на дербито на „Емирејтс“.

Фудбалерите се закачнаа со еден од помошниците на Микел Артета, а Пеп Гвардиола кој беше блиску до сето тоа, не им открил детали на новинарите, но ја потврдил нетрпеливоста.

– Добро видов што се случи и знам што се случи, но не сакам да ви кажам ништо. Не сакам да споделам со вас, но добро знаат што се случи и од нивна страна, – со насмевка изјави Гвардиола, кој сепак не крена преголема паника поради поразот.

– Не постои тим кој освоил четири титули во низа во Премиер лигата. Поразите можат да се случат, но ние сме во октомври. Понекогаш е добро да бркате и да бидете позади. Нема да биде првпат да бркаме некого, минатата сезона бевме многу поназад, но на крајот успеавме. Честитки до Арсенал, знаеме што треба да направиме и ќе го направиме тоа. Полека ни се враќаат дел од играчите и ќе се обидеме да ја прекинеме оваа лоша серија најбрзо што можеме, – додаде Пеп.