Гвардиола за кризата на Сити: Ова не го очекував, не знам каков ќе биде исходот

Манчестер Сити игра катастрофално во последните два месеци од оваа календарска година, резултати кои се далеку од нивото на една екипа која доминираше во Премиер лигата, Англија и постојано беше конкурентна за пехарите во Лигата на шампионите.

„Граѓаните“ имаат остварено само една победа во овој период и тоа над Нотингем Форест што е потврда за огромната криза во клубот од Манчестер, криза со која Пеп Гвардиола се нема соочено во досегашната тренерска кариера, па и на него не му е лесно да ја прифати, да пронајде соодветно решение во тимот во кој го нема клучниот играч Родри, постојано има повредени, фудбалери кои не фит, посакуваната форма, ритам што значи ова е огромен предизвик за него.

Шпанецот е свесен за ситуацијата која признава дека не ја очекувал.

-Секогаш кога добиваме многу натпревари и титули велам дека ќе губиме натпревари. Кога победувавме 13 или 14 натпревари или 10 натпревари и ќе загубевме еден или нерешено и веднаш „што се случи? Зошто нерешено или губите натпревар?’ Таков е фудбалот.

-Добивме многу, беше исклучително, а сега ја живееме паралелата. Не го очекувавме, не го очекував лично и не знам каков ќе биде исходот после тоа, така што животот ти го дава тоа. Мора да се справиме со тоа, -порача Пеп кој го подготвува Сити за соочувањето со Евертон.