Гвардиола за катастрофалната серија на Сити: Не смееме да правиме радикални промени

Манчестер Сити беше потопен од Тотенхем на „Итихад“, со што актуелниот англиски шампион влезе во неочекувано долга негативна серија, истовремено овозможувајќи му на Ливерпул да има можност да стигне на „плус осум“ по ова коло.

Пеп Гвардиола признава дека не очекувал ваков пад и е загрижен за она што се случува со неговата екипа, но потенцира дека Сити мора да избегне две работи во оваа ситуација.

– Првата грешка што може да ја направиме е да загубиме премногу време за анализа на она што се случува.

– Втората потенцијална грешка е по вакви осум години да решиме да правиме радикални промени. Досега функционираше како што посакувавме бидејќи не менувавме многу, дали треба да правиме големи промени по четири освоени титули во Премиер лигата?

– Мора да одиме чекор по чекор и да очекуваме дека фудбалерите ќе се вратат во препознатлива форма и ќе им се вратиме на победите. Секогаш сум оптимист во животот, се надевам дека и фудбалерите ќе ме следат, – рекол Гвардиола.