Гвардиола за иднината на Кансело: Можеби ќе остане во Сити…

Жоао Кансело од 2023 година не настапува за Манчестер Сити или поточно е испраќан на позајмици прво во Баерн Минхен, а потоа во Барселона.

Меѓутоа ниту една од тие две екипи не го откупи договорот, па Кансело мораше да се врати „дома“ или поточно во клубот со кој е обврзан до 30 јуни 2027 година.

Тој веќе тренира со „граѓаните“ што секако е интересно ако се земе предвид дека во минатото влезе во конфликт со менаџерот Пеп Гвардиола, а потоа го критикуваше во медиумите. Сепак се работи за професионалци и токму Гвардиола кажа каква е реалната ситуација со португалскиот репрезентативец.

-Кансело повторно ќе му се приклучи на нашиот тим? Може да се случи, да. Тој тренира со нас. Ќе видиме. Можеби ќе остане, можеби ќе оди на позајмица, можеби… уште не знам. Тој тренира со нас, се однесува навистина добро на тренинзите, -порача Шпанецот.