Гвардиола за дефанзивецот на Евертон: Не е неопходно тоа што го прави, му кажав…

Манчестер Сити дојде до сигурна победа на гостувањето кај Евертон и веќе има отворен пат до новата титула во Премиер лигата.

„Граѓаните“ славеа со 3-0, а во исто време нивниот главен конкурент Арсенал загуби со истиот тој резултат од Брајтон, па сега едноставно ќе треба да се случи чудо пехарот одново да не заврши на „Итихад“.

Пеп Гвардиола беше задоволен од тоа што неговите момци го одработија на теренот, но имаше што да му порача на еден противнички играч, дефанзивецот Јери Мина.

-Јас сум голем фан на Коуди, му се восхитувам од времето додека играше за Вулверхемптон. Мина? Не е неопходно тоа што го прави. Надвор од фудбалот, не е неопходно да го прави тоа што го прави секој меч. Јас му реков „ти си доволно добар играч за да избегнеш вакви работи.

-Знае што направи, прашајте го. Ова не е физички, не е психички. Има работи кои не се потребни да ги прави, а ги прави. Овој пат со Лапорт, Грилиш со сите. Прашајте го, -порача Гвардиола.