Гвардиола за честата изјава на фудбалерите и тренерите: Тоа е најлоша реченица во историјата на фудбалот!

Пеп Гвардиола ги предупреди своите фудбалери дека мора да бркаат победа на секој меч до крајот на сезоната и навести дека Арсенал нема да испушти многу бодови до крајот, но додека даваше ваква изјава, се потсети и на честата изјава на фудбалерите и тренерите која воопшто не ја поддржува и разбира.

Шпанскиот стручњак смета дека Арсенал е во многу поповолна позиција за освојување на титулата во Премиер лигата и додава дека искуството не може да направи разлика кога заостанувате осум бода, особено кога за противник имате тим кој доста ретко губи бодови во домашното првенство.

– Јас би сакал да сум во позицијата на Арсенал, а не да го имам искуството од претходните освоени титули во Премиер лигата. Претпочитам да бидам во ситуацијата на Арсенал, реалноста вели дека тие имаат осум бода повеќе од нас.

– Минатото е минато, сме освоиле во минатото, искуството не се брои во битката за титулата. Кога ги слушам фудбалерите и тренерите како велат: Не треба да докажам веќе ништо во фудбалот“, тоа е најлошата реченица во историјата.

– Во фудбалот мора да се докажувате секој ден, повторно и повторно. Минатото е зад вас, ако се навраќате постојано на тоа, треба да се пензионирате и да оставите простор за други, – смета Гвардиола.