Гвардиола со интересна изјава: Поважен ми е натпреварот со Бриж отколку тој со Јунајтед

Тренерот на Манчестер Сити, Пеп Гвардиола даде навистина интересна изјава пред натпреварот со Клуб Бриж во рамките од четвртото коло од групната фаза во Лигата на шампионите.

„Граѓаните“ се наоѓаат во групата А заедно со белгискиот претставни и со победа на оваа средба ќе дојдат многу блиску до пласман во нокаут фазата во Лигата на шампионите.

Токму затоа, Гвардиола посочи дека овој натпревар му е поважен отколку тој кој се игра следниот викенд, а во кој ќе се сретне со Манчестер Јунајтед.

– Мислам дека натпреварот против Клуб Бриж е многу поважен отколку тој против Манчестер Јунајтед. Тој е наша шанса да влеземе во доигрувањето од Лигата на шампионите.

– Во Премиер лигата има многу натпревари, а во групата од Лигата на шампионите само шест. Малку се и немате право на лош ден, -изјави Гвардиола.

Освен Манчестер Сити и Бриж, во групата се и ПСЖ и РБ Лајпциг кои ќе се сретнат меѓусебно во вториот утрешен натпревар.

Лајпциг речиси и да нема шанси за пласман во нокаут фазата, додека пак Бриж доколку ги изненади „граѓаните“ и тоа како ќе си ги зголеми шансите за доигрувањето.