Гвардиола: Оваа сезона за Сити…

Манчестер Сити се пласираше во четвртфиналето на ФА Купот и тоа откако со пресврт го совлада Плимут со 3-1.

Премиерлигашот мораше да вложи дополнителен труд, сила за да го добие аутсајдерот на „Итихад“ кој се држеше 76 минута кога домаќинот го постигна вториот гол, а до крајот прими и уште еден за крај на настапот во ова натпреварување.

Со оглед на екипите кои останаа Сити има реални шанси да го освои трофејот, но според тренерот Пеп Гвардиола и тоа да се случи, нема да ја спаси оваа сезона за нив во која веќе испаднаа од ЛШ, а се и далеку од првата позиција во Премиер лигата.

-Подобро е да освоиме тројна круна или четири титули. Оваа сезона, особено во две натпреварувања, не бевме добри. И тоа е реалноста.

-Не се квалификувавме за прв пат [за осминафиналето] во Лигата на шампионите откако сме тука, а во Премиер лигата со 13, 14, 15 натпревари преостанати немаме шанси да ја освоиме титулата. Никогаш не се случило. Сезоната не беше добра, -истакна трофејниот шпански стручњак.