Гвардиола откри кога ќе може да смета на Де Брујне

Пеп Гвардиола многу брзо се помири со лошата судбина која ја имаше неговиот клучен играч Родри, потенцирајќи дека залудно е да се жали и да се бараат виновници во ситуацијата кога неверојатното темпо им носи предизвик на секои три дена.

По ремито со Њукасл, англискиот првак сега има нов предизвик во Лигата на шампионите, а пред утрешниот меч со Слован Братислава во Словачка, шпанскиот стручњак ја откри здравствената состојба на уште една ѕвезда.

Кевин Де Брујне исто така е надвор од тренажен процес и тоа е дополнителен проблем за Пеп, кој денеска соопшти дека Белгиецот ќе се врати на средина на месец октомври.

– Де Брујне? Нема да можам да сметам на него за утрешниот меч против Слован.

– Се надевам дека ќе биде подготвен за предизвиците по репрезентативната пауза која следи. Останатите играчи стојат на располагање, утре ќе излеземе со играчите кои се чувствуваат најдобро, – изјави Гвардиола.