Гвардиола откри како изреагирал Халанд откако завршил втор во изборот за „Златна топка“

Манчестер Сити втора година по ред беше избран за најдобар светски тим на гала вечерта која се одржа во Париз, но „Златната топка“ заврши во рацете на Лионел Меси, а не кај главната ѕвезда на европскиот шампион, Ерлинг Халанд.

Според многумина, одлуката на „Франс Фудбал“ беше неправедна кон голгетерот кој ги урна сите рекорди во Премиер лигата минатата сезона, а за разлика од обично, во доста непријатна ситуација беше ставен и Пеп Гвардиола.

Шпанецот за првпат не беше убеден дека наградата треба да заврши во рацете на Лионел Меси, но сега вели дека Халанд многу добро го прифатил второто место и не видел никаква нерасположеност кај него по враќањето од француската престолнина.

– Халанд беше среќен кога се врати и му беше мило што беше блиску во изборот до Меси и Мбапе. Тоа беше добра ноќ за Манчестер Сити како клуб. Честитки до Меси и до сите кои освоија награди. За нас, најважно беше што Манчестер Сити беше најдобар како клуб, бидејќи сите знаеме дека не сме биле често од таков настан.

– Бевме најважни на клупски план, а Халанд ја има цела кариера пред себе за да се предизвикува и да верува дека следниот пат ќе биде уште подобар. Беше навистина многу добро расположен кога се врати и навистина ми е мило за тоа, – изјави Гвардиола денеска.